Ji arinhaxinga Antonio Flores Quin, Quinceo-(Kintsïo?) anapueska, Urupani-Uruapan k’urhipiska ka iaxi Pacific Washington irekoxaka ia, jucha miteparhaska Tata Lazarhu Ka Joaquinu jingoni.

Ka chari sesikua jimbo jurhakuksïni sani mokuchini ini enha chatsï kurhamarini jaka, ka juchari Tata ka Nana K’erhicha tekochinde sani, enga ji imani ambe uandaka enga ji p’ikuanharhika, ixi jimbo menderu, charhi sesikua jimbo!

¿Néski purhe?
Juchiti Jimbo ima p’urhesti, enga tsïpikua ka kaxumikua jingoni ujka arhini ji p’urheska, ka nomeni k’uratsïni nani uejkini, ne uejkin jingoni uni uandani, Ji p’urheska!, Jinistsïni kurhamarixini ixuaxi anapuecha, tju, cha mexicanueski?, ka ji kurhakurixinga, ji p’ureska Michoacáni anapu, ixi Jimbo jichka mexikanukia, joperu juchiti iurhiri, juchiti mintsïta, iemidu juchiti ambe p’urhesti, ixi jimbo jichkani Mexikanukia, joperhu orhetani p’urheska.
P’urhe imaesti enga jataka kaxumekua Tata ka Nana k’erhicha jingoni, ka iemindu k’urhipucha jingoni, ima enga sesi erhopik’a imechani enhatsïni purhembiak’a sani.
Ji miandaxiga ma xanharhi, enga ji kurhamaripka juchari nanak’erhini, ¿Nana jucha p’urheski oksï “Tarascoski”?, ka ima mokuchusptiri, ambeski ima “Tara…taras…co”?, ka arhisptiri juchaksï p’urheska, juchaksï ambi “ta…tarasco ue”, ka jimakani uerhatini ji uspka kurhankuni eska jucha ambi urajki “Tarasco” juchari undakua jimbo, juchaksï arhikurhixinga p’orhe, p’urhe, jimk’ani juchaksï p’urheska.

Ixi Jimbo jichakini kanikua tsïpixinga jimboaki Ji p’urheska.

¿Na jáxeski?
Jucha mak’u jaxiska, Cha, Jucha, Ji, nochkaksï jucha jima uerhani juraski, jima enhatsïni juchari nandicha mintsïta jingonitsïni kuachakuka, ka tsïpikua jingotsïni andaperhotastitsïni ini parakpini Jimbo, ixi Jimbo juchaksï mak’u jaxiska, mak’u axi uirhiri, mak’u axi mintsïta, mak’u axi k’uirhipita.

¿Na eratsesini?
Erhatseni, jo ixiesti juchaksï uxinha eratseni, ka ambi ixi eska turixicha nha eratsïk’a, juchaksï jini eratsïparini uandaniaxinga, nochka juchari mintsïta uxin uandani, ixi Jimbo juchari erhatsïkua, mintsïtarhu uerhatini jurhaxini, (ejpu-mintsïta-penchumikua), ka iaxi anapu tumbicha ambitarhuksï uekak’i xanhatani juchari eratsïkua, Nana-Tata Icherini eratiparini eratsïntani.


¿Na ánchekuarhesini?
Juchari Tataecha, menderuniksï anchikurhimpti, imaksï jarhoperakuani Jimbo uxumpti k’eri ambe uni, imaksï ambi anchikumpi tumina k’arhimparini, tumina ambi uetanchikuarhipti ionki ixi.
Imaksi sesikua kurhakuximpti Nana-Tata Icherini, “Nana- Tata icheri intsïkutsi sesikua, juchaksï niraxakaia mitani, menogantani, jimboka chatsï t’irheouka juchari k’umanchikuaru anapuechani”, ka ixiksï jamaximpti iemindu ambe jingoni, Tata P’ukuriniksï uximpti uadaxakuni, iemidu imechani enhatsï P’ukunda intsïkuk’a, ka ixtu Manamananduerhachani, ieminduecha ima ambe jingoni enhatsi Tukupacha intsïkuka, marhoatakua ambe.
Ka iaxi anapucha, uanikua p’urhecha, Tuminaksï k’arhimaxini, imaksï ambi terhu uandaniak’i juchari ambe k’uachakuni, p’ekani juchatsïni tumina tamixi pakia, jo ixiesti iaxia nenka kuerhatanchaka tumina kanikua tsunhamikua jingoni uxini xanharani, ji juchiti Jimbo uekapirinha eska jucha noterhu komu jamperhinkia tumina Jimbo, ka ima enhaksï juramuk’a arhiani eskaksï intsekudanka imani ambe enhatsï ionixi euakurikia.


¿Néksi ua arhini eska nóteru p’ureri eratseinka ia, nak’iruka uantak’a
purepecha jimpo?
Uanikuaksï noterhu kamaxini juchari eratsekua, joperhu ambi iemundu ambe imecheri Jimbo Niue, nochkatsï ioni ixia k’uichikua jaxi ambe arhiskia ixi jamani p’urheni, ka nonema jarhaspti enhatsïni kuap’i dapiringa juchantsïni, ka ixitsïni arhimpti utuxicha axi jame Animalini uandani, murutsekuximtetsïni, ataxiptesini ka jucha ambi umpi uandakua jingoni k’auapikurini, ka ixi Jimbo uanikua juchari Tataticha notherutsïni jiarhitaspti p’urhe Jimbo uandani, imaksï arhispti “juchaje ieminduecha utuxi-turhixi Jimbo uanadania, nanderhuksïni inde ixi noteru arhinchokia, nanderuksï ixi sesi kamokia.”

Ka xaxi eratsïkua Jimbo, uanistiksïa enhaksï noterhu euekak’a p’urheni, imaksï uandaxini inde ambeskia xani p’urheni, nochka indestsïni komukamoxini ixi jamani p’urheni, jimakani andi purhenia?, ka peka kanikua ambe ixika, ka enha jucha kurhamariok’a jimakani cha noteru t’irhexini churipu, atapakua?, cha noteru kurhaxini p’irekuechani?, imaksï k’urhakuarhini NO imanikorhia No, jucha ambi ua imani ambe jurhakuni, ixi Jimbo juchaje jarhoetani p’ikundani p’ikuanhakuarhikua iemidu imechani enhatsï noteru uekak’a p’urheni, ka juchaje mak’u ukurhintani ka arhiani indeni Juramutichani eska jucha noterhu jiarhakuriakia eskatsïni komu kamak’a!

Uanistiksï tumbicha enhaksï ixu ini iretani Jimbo (USA) andapierhaka, ka imaksï uekaxini p’ikundani imecheri ambe, ixi Jimbo, p’urhekua mintsïtaru uerhatini juraxini, ka ixisti imaksï ambi undak’i juchari uandakua Jimbo, joperhu imecheri mintsïta ioarhiantoxati, ka uanistiksï enhaksi juchari iretarhuchani uerhatini juka ka imaksï noterhu uekaxin uandani juchari uandakua Jimbo, ixi Jimbo, ji ixi p’ikuanharixinga eska Purhéni mintsïtaru uerhatini juranxinka, ka ambi uetarhuk’i t’ipichikua ka k’uarhachi jingoni xukutani, inde ambe imaksï erakuarhia ia, joperhu Ji kanikua tsïtixinha indeni ambe jingoni xukutani.


Ixi Jimbo Tukupacha intsekua eratsekua, ambonaskua iemindu imechani enhaksï komu p’ikuarhen jaka, ka imaksï uni uinhapinda ka unksï p’ikunda juchari ambe!

Xankixia Tata Pedru.